سەرۆک بافڵ لەگەڵ باڵیۆزی بەریتانیا لە عێراق کۆبووەوە
SNN
بافڵ جەلال تاڵەبانی، سەرۆکی یەکێتیی نیشتمانیی کوردستان لە ماڵی مام لە بەغدا پێشوازی لە مارک برایسۆن ریچاردسۆن، باڵیۆزی بەریتانیا لە عێراق کرد.
لە دیدارێکدا گفتوگۆ لەبارەی دوایین گۆڕانکارییە ئابووری و سیاسییەکانی عیراق کرا و هەماهەنگی نێوان هێز و لایەنە سیاسییەکان بۆ سەرخستن و جێبەجێکردنی بەرنامەی حکومەتی نوێ تاوتوێکرا.
سەرۆک بافڵ جەلال تاڵەبانی ئاماژەی بە هەنگاوەکانی ئەمدواییەی حکومەتی نوێ کرد و رایگەیاند، هەنگاوەکانی حکومەت و کارکردن بە ئاڕاستەی جێبەجێکردنی دەستوور و سەروەریی یاسا لە وڵات جێگەی دڵخۆشییە و دەبێت هەموومان لەم قۆناغە هەستیارەی عیراقدا پاڵپشت و پشتیوانی حکومەت بین، ئەویش لە پێناو گەیاندنی عیراق بە کەنارێکی ئارام و بونیادنانی داهاتوویەکی گەشتر.
