وهزارهتى دهرهوهى توركیا راگهیهنراوێكى بهپهلهى بڵاوكردهوه
فهرماندهیهكى سوپاى توركیا لهكاتى شیكردنهوهى ئۆپراسیۆنى (چنگى ههڵۆ 2) له ههرێمى كوردستان | فۆتۆ: وهزارهتى بهرگریی توركیا
SNN
كهمێك لهمهوبهر وهزارهتى دهرهوهى توركیا راگهیهنراوێكى لهبارهى ئۆپراسیۆنهكانیان له سووریا و ههرێمى كوردستان بڵاوكردهوه و رایگهیاند، بنكهكانى تیرۆرستانمان وێرانكردن.
شهوى رابردوو فڕۆكه جهنگییهكانى توركیا چهند ناوچهیهكی باشوور و ڕۆژئاواى كوردستانیان بۆردومانكرد لهوانهش ناوچهكانى بنارى قهندیل، ڕانیه، قهڵادزێ و سهنگهسهر، شنگال، چیاى ئاسۆس و پێنجوێن له باشوور و ناوچهكانى كۆبانێ-یان له ڕۆژئاواى كوردستان لهچوارچێوهى چالاكییهكانى ئۆپراسیۆنى چنگى شمشێردا.
له راگهیهنراوهكهدا كه ئهمڕۆ یهكشهممه 20ى تشرینى دووهم، بڵاوكراوهتهوه مهولود چاوش ئۆغڵو، وهزیرى دهرهوهى توركیا ئاماژهى بهوهكردووه، “ئێمه چهند ناوچهیهكى عێراق و سووریامان كرده ئامانج و بنكه و بارهگاكانى ئهو هێزانهى بوونهته مهترسى بۆ سهر وڵاتهكهمان كرده ئامانج”.
وتیشى: “ئێمه وڵاتێك نین كه رێگه بدهین كۆمهڵێك هێز ببنه مهترسى بۆسهرمان”.
ههفتهى پێشوو وهزیرى دهرهوهى توركیا لهبهردهم میدیاكانى وڵاتهكهى باسى ئۆپراسیۆنهكانى وڵاتهكهى له ههرێمى كوردستان و ڕۆژئاواى كوردستان كرد و وتى: “ئێمه ههرگیز ئۆپراسیۆنهكانمان له عێراق و سووریا كۆتایی پێناهێنین”.
