سودانی لە بەرژەوەندی خانەنشیان ژمارەیەک بڕیاری دەکرد
محه‌مه‌د شیاع سودانى، سه‌رۆكوه‌زیرانى عێراق | فۆتۆ: SNN
SNN
سه‌رۆكوه‌زیرانی عێراق ژماره‌یه‌ك بڕیاری له به‌رژه‌وه‌ندی خانه‌نشینان ده‌ركرد كه لەوانە پێدانی زەوی و پاداشتکردن.
بەگوێرەی هەواڵێکی میدیا عێراقییەکان محه‌مه‌د شیاع سودانی سه‌رۆكوه‌زیرانی عێراق بڕیاری دا به ئه‌نجامدانی ژماره‌یه‌ك چاكسازی بۆ پشتیوانی خانه‌نشینان.
سودانی بڕیاری داوه به دابه‌شكردنی زه‌وی به‌سه‌ر ئه‌و فه‌رمانبه‌رانه‌ی خانه‌نشین بوون و له وه‌رگرتنی زه‌وی سوودمه‌ند نه‌بوون.
هەربەپێی بڕیارەکانی سەرۆکوەزیرانی عێراق، ئه‌و رۆژه‌ی فه‌رمانبه‌ر له فه‌رمانگه‌كه‌ی جیاده‌بێته‌وه و خانه‌نشین ده‌بێت، بڕی 500 هەزار دیناری وه‌ك پاداشت پێده‌درێت، هەروەها مامه‌ڵه‌ی خانه‌نشینبوونه‌كه‌ی به‌جۆرێك بۆ راییده‌كرێت تا له‌گه‌ڵ یه‌كه‌م مووچه‌ی خانه‌نشینیدا پاداشتی كۆتایی خزمه‌ت وه‌ربگرێت و پاره‌ی مۆڵه‌ته كه‌ڵه‌كه‌بووه‌كانی بۆ خه‌رج بكرێت.
سودانی بڕیاریشی داوه كه چاره‌سه‌ركردنی خانه‌نشینان له ده‌ره‌وه‌ی وڵات له‌سه‌ر ئه‌ركی ده‌وڵه‌ت له پێشینه بێت و له ساڵێكدا سه‌دا 25 داشكاندنیان له كرێی گواستنه‌وه به هێڵی ئاسمانی عێراق بۆ بكرێت.
