قەدەغەکردنی خواردنەوە کحولییەکان لە عێراق هۆکارە بۆ گەرمبوونی بازاڕی ماددەی هۆشبەر

SNN

میسال ئالوسی ساسەتمەداری سەربەخۆی عێراق، بە توندی دژی ئەو بڕیارەیە کە هاتنە ناوەوەی خواردنەوە کحولییەکان لە دەروازە سنوورییەکانی عێراقەوە بۆ ناو عێراق قەدەغە دەکرێت و ئاماژە بەوە دەکات کە داعش-یش هەمان کاریان کردووە و ئەوە پێشێلی ئازادی کەسییە.

ئاماژە بەوەشدەکات، وڵاتانی دراوسێ و بەتایبەت ئێران دەیەوێت بەغدای پایتەخت بکاتە دەوڵەتی ئیسلامی، هەروەها ئەو جۆرە بڕیارانە کە پێشێلی دەستووری عێراق دەکەن، کە ئازادی و ئازادیی کەسی بەخشیووە، بەتایبەتی کە عێراق وڵاتێکە کە ئاراستەی جیاوازە، چ ئایینی بێت یان ڕۆشنبیری، هەربۆیە ناتوانرێت بۆچوونێک لایەنە توندڕەوەکان بەسەر بۆچوونەکانی عێراقییەکاندا بسەپێندرێت.

روونیشی دەکاتەوە،”ڕەنگە ئامانجی ئەم بڕیارە بۆ زیادکردنی بازرگانی ماددە هۆشبەرەکان بێت لە عێراق، بەتایبەتی کە ئەم جۆرە بڕیارانە لە بەرژەوەندی ئەو لایەنانەن کە کار بۆ ناساندن و بازرگانیکردن دەکەن لە ماددە هۆشبەرەکاندا، بەڵام ئاکامی ماددە هۆشبەرەکان چەندین جار مەترسیدارترە لە خواردنەوە کحلوییەکان و کەسێک ئالودەی ماددەی هۆشبەربێت ئامادەیە هەموو شتێک ئەنجام بدات بۆ دەستکەوتنی چەند گرامێک لەو مادانە، جا بە دزی کردن بێت یاخود کوشتنی ئەنقەست و تاوانی پلان بۆ دارێژراو، بەڵام بۆ بەدەستهێنانی ماددە کحولییەکاندا ئەم جۆرە تاوانانە نابینرێن”.

دەستەی گشتی گومرگی عێراق ئەمڕۆ شەممە، 4ی ئازار، ڕێنمایی داوە کە سەرجەم ناوچەکان و ناوەندە گومرگییەکان ڕێگری لە هاتنە ناوەوەی خواردنەوە کحولییەکان بە هەموو جۆرەکانیانەوە بکەن.