لـــە هەناردەی نەوت بۆ وڵاتی ئەمریکا عێراق پێش سعودیە دەکەوێت

SNN

بەڕێوەبەرایەتی ئیدارەی وزەی ئەمریکا، ئەمڕۆ یەکشەممە رایگەیاند، کە هەناردەی نەوت لە وڵاتی عێراقەوە بۆ ئەمریکا بەشێوەیەکی بەرچاو زیادی کردووە بە تایبەتی لە هەفتەی رابردوودا.

بەڕێوەبەرایەتییەکەی لە راپۆرتەکەیدا ئەوە رووندەکاتەوە، ئەمریکا لە 9 دەوڵەتەوە نەوتی هاوردە کردووە، کە بڕەکەی 4,490 بەرمیل نەوت بووە، تەنیا وڵاتی عێراق لە هەفتەی رابردوودا 206 هەزار بەرمیل نەوتی رۆژانەی هەناردەی ئەمریکا کردووە.

بەڕێوەبەرایەتیەکەی ئەمریکا ئاماژەی بەوەکردووە، کە سعودییە رۆژانە 81 هەزار بەرمیل نەوتی هەناردەی ئەمریکا کردووە و بەمەش عێراق پێش وڵاتی سعودیە کەوتووە لە هەناردەکردنی نەوت بۆ وڵاتی ئەمریکا.