سودانی بۆ ئێران “لەسەر سەروەری خاکی عێراق موجامەلەی هیچ وڵاتێك ناكەین”

SNN

محەمەد شیاع سودانی سەرۆکوەزیرانی عێراق رایگەیاند “حکومەت لەسەر سەروەری و ئاسایشی عێراق موجامەلەی هیچ وڵاتێک ناکات.”

نووسینگەی راگەیاندنی محەممەد شیاع سودانی سەرۆکوەزیرانی عێراق بڵاویکردەوە: “رۆژی دووشەممە سەرۆکوەزیرانی عێراق پێشوازی کردووە لە عەلی ئەکبەر ئەحمەدیان ئەمینداری گشتی ئەنجوومەنی باڵای ئاسایشی نەتەوەیی ئێران، لە کۆبوونەوەکەدا سوودانی بە بەرپرسە باڵاکەی ئێرانی وتووە “عێراق کردەوەی تاکلایەنەی لەلایەن هەر وڵاتێکەوە رەتدەکاتەوە، بەتایبەت ئەگەر لەگەڵ پرنسیپە دەوڵەتییەکان و رێزگرتنی سەروەریی یەکنەگرێتەوە”.

لە راگەیەندراوەکەدا سودانی ئاماژە بەوەش دەکات”حکومەتی عێراق سوربوونی خۆی دووپات دەکاتەوە لەسەر کارکردن بە پرەنسیپەکانی دراوسێیەتی باش و درووستکردنی باشترین پەیوەندی لەگەڵ وڵاتانی ناوچەکەی جیهان، لەهەمان کاتیشدا لەسەر ئاسایش و سەروەریی عێراق موجامەلەی هیچ وڵاتێک ناکەن”

دەشڵێت “وڵاتەکەی بۆ پاراستنی سەقامگیری و هێورکردنەوەی دۆخی ناوچەکە هەوڵدەدات بەجۆرێک لەبەرژەوەندی وڵاتانی ناوچەکە بێت بەگشتی”