تا كۆتایی هەفتەی داهاتوو كۆتایی بە دابەشكردنی مووچەی مانگی نیسانی فەرمانبەرانی هەرێم دێت

SNN-عەلی حەمە سەعید

وەزیری دارایی عێراق ڕەزامەندی لەسەر پێدانی پارەی سەرجەم فەرمانبەرانی هەرێم بە سەربازی و شارستانییەوە داوە و تەنها ئەوە ماوە بخرێتە سەر ژمارە حسابی بانكی هەرێم، ئەمڕۆ و سبەی بڕیكی دیكەی ئەو پارە دەخرێتە سەر ژمارە حسابی بانكی هەرێم و تا كۆتایی هەفتەی داهاتووش دابەشكردنی مووچە كۆتایی دێت.

بەگوێرەی ئەو زانیارییانەی كە لە بەرپرسێكی وەزارەتی دارایی هەرێم بە SNNدراون ئەوەخراوەتەڕوو، هیچ گرفتێك لەبەردەم دابەشكردنی مووچەی سەرجەم فەرمانبەرانی هەریم بە شارستانی و سەربازییەوە نییە بۆ مانگی نیسان، چونكە وەزیری دارایی عێراق ڕەزامەندی دەربڕیوە بە پێدانی پارەی سەرجەم فەرمانبەران كە بڕەكەی زیاترە لە 950 ملیار دینار، ئەمڕۆ و سبەینێش گواستنەوەی پارە بەردەوامی دەبێت.

ئاماژەی بەوەشكرد، سبەنێش دابەشكردنی مووچەی مانگی نیسانی فەرمانبەران بەردەوامی دەبێت، بەجۆریك مووچەی ئەو وەزارەت و دەستانە دابەشدەكرێت كە لەلایەن بەغداوە پارەكانیان دەخریتە سەر ژمارە حسابی بانكی هەرێم، هاوكات سبەینێش ناردنی پارە بەردەوامی دەبێت.

ئەو بەرپرسەی وەزارەتی دارایی ئەوەشی خستەڕوو، دابەشكردنی مووچە تا كۆتایی هەفتەی داهاتوو بەردەوامی دەبێت لە كۆتایی هەفتە كۆتایی بە دابەشكردنی مووچەی مانگی نیسان دێت و ئامادەكاری دەكرێت بۆ ناردنی پارەی مانگی ئایار ئەگەر هیچ گرفتێك نەیەتە پێشەوە.