سهرۆكوهزیرانى وڵاتێكى ئهوروپى تهقهى لێكرا
ساتى تهقهكردن له سهرۆكوهزیرانى سلۆڤاكیا | Radovan Stoklasa, Reuters
SNN
سهرۆكوهزیرانى سلۆڤاكیا لهكاتى چاوپێكهوتنى لهگهڵ چهند هاووڵاتیهك لهسهر یهكێك له شهقامهكانى شارۆچكهیهكى وڵاتهكهى تهقهى لێكرا و بریندار كرا.
پاشنیوهڕۆى ئهمڕۆ چوارشهممه 15ى حوزهیران، ڕۆبهرت فیكۆ، سهرۆكوهزیرانى سلۆڤاكیا كه یهكێكه له وڵاتهكانى یهكێتى ئهوروپا لهلایهن كهسێكى نهناسراوهوه تهقهى لێكرا و برینداركرا، بهپێى سهرچاوهكانى ههواڵى ئهو وڵاته له ئێستادا له نهخۆشخانهیه”.
بهپێى زانیارییهكانى كهناڵى (TA3)، “رووداوهكه له شارۆچكهى هاندلۆڤا لهكاتێكدا روویداوه كه سهرۆكوهزیرانى ئهو وڵاته لهبهردهم سهنتهرێكى كهلتورى وهستاوه بۆ ئهوهى چاوى به چهند لایهنگرێكى بكهوێت، لهپڕ كهسێك تهقهى لهنێو ئۆتۆمبێلهكهیهوه لێكردووه، پاشان دهستبهجێ تهقهكهرهكه دهستگیر كراوه”.
لوبۆس بلاها، جێگرى سهرۆكى پهرلهمانى سلۆڤاكیا رووداوهكهى پشتڕاستكردووهتهوه و رایگهیاندووه، “له ئێستادا سهرۆكوهزیران لهژێر چاودێریدایه”.
بهپێى میدیاكانى وڵاتهكه، تاوهكو ئێستا روون نییه كردهوهكه تیرۆریستیه یاخود پاڵنهرى ترى له پشتهوهیه، تاكه زانیارى پشتڕاستكراوه ئهوهیه كه تۆمهتبارهكه دهستگیر كراوه.
