ژمارهی قوربانییانی غهززه بۆ 35303 كهس بهرز بووهوه و لە %70ی ژن و منداڵن
ژن و منداڵێک لە غەززە
SNN
ژمارهی قوربانییانی هێرشهكانی سوپای ئیسرائیل بۆ سهر كهرتی غهززه بهرز بووه و سوپای ئیسرائیلیش له هێرشهكانی بۆ سهر كهرتهكه و چهكدارانی بزووتنهوهی حهماسی فهڵهستینی بهردهوامه.
وهزارهتی تهندروستی غهززه ڕایگهیاند، تادێ بههۆی هێرشهكانی سوپای ئیسرائیل بۆ سهر كهرتی غهززه ژمارهی كوژراوان و برینداران زیاتر دەبن و له ههمان كاتدا برسییهتییهكی زۆریش ڕووبهڕووی دانیشتووان بووهتهوه.
وهزارهتی تهندروستی غهززه ئاماژهی بهوه كرد، بههۆی هێرشه بهردهوامهكانی ئیسرائیلهوه ژمارهی كوژراوان بۆ 35 ههزار و 303 كهس بهرز بووهتهوه، هاوكات ژمارهی برینداران گهیشتووهته 79 ههزار و 261 كهس.
ڕوونیشی كردووهتهوه 70%ـی قوربانییهكان منداڵ و ئافرهتن. باسی لهوهش كردووه، له ماوهی 24 كاتژمێری ڕابردوودا 31 هاووڵاتی كوژراون.
