یەک ملیۆن دار بەڕوو لە چیاکانی باڵەکایەتی دەڕوێنرێت

SNN

کۆمەڵێک ژینگە دۆست بڕیاریانداوە نزیکەی ملیۆنێک درەختی جۆری داربەڕوو لە چیایەکی باڵەکایەتی بڕوێنن، هاوکات داوا دەکەن هاووڵاتیانی ناوچەکە هاوکارییان بکات.

چەند چالاکوانێکی ژینگە دۆست لە سنوری باڵەکایەتی هەڵمەتێکی ناشتنی دار بەڕوو لە چیایەکی باڵەکایەتی رادەگەیەنن و ئاشکرای دەکەن، پاییزی ئەمساڵ دەست بە روواندنی دارەکان دەکەن، لە هەمان کاتدا داوا لە هاووڵاتیانی ناوچەکە دەکەن لە کاتی روواندنی دارەکان هاوکارییان بکەن.

ئاماژەبەوە دەکەن، ئەگەر هاووڵاتیانیش هاوکارییان نەکەن چ لە کاتی روواندنی دارەکان یاخود کڕینی ئەوا خۆیان بەتەنها بەو کارە هەڵدەستن و هەموو تێچووەکەی دەگرنە ئەستۆ.

جەختلەوە دەکەنەوە، هەموو بەرووەکان لە یەک شاخ دەچێنن، بۆ ئەوەی لە داهاتوودا دارستانێکی بەڕووی لێ بەرهەم بێت، لەگەڵ ئەوەش بتوانن باشتر پارێزگاری لە دارەکان بکەن و ماوەی ساڵێک ئاودانی بۆ بکەن.