تابلۆی ئۆتۆمبێل لە ناوەڕاست و باشووری عێراق هاوشێوەی هەرێمی لێدێت
تابلۆى نوێى ئۆتۆمبێل | فۆتۆ: SNN
SNN
ئەمڕۆ یەکشەممە، محەمەد حەسون، وتەبێژی هاتووچۆی پارێزگای بەغدا، رایگەیاند، تابلۆی ئۆتۆمبێلەکانی عێراق گۆڕانکاری بەسەردادێت و تابلۆکە شێوەی باریک دەبێتەوە لەگەڵ ئەوەشدا ناوی پارێزگاکە دەبێتە ژمارە و پیت و سەرجەمیان بە ئینگلیزی دەبێت.
دوێنی محەمەد شیاع سودانی سەرۆکوەزیرانی عێراق، یەکەم تابلۆی نوێی ئۆتۆمبێلی چاپکرد، کە هاوشێوەی تابلۆی ئۆتۆمبێلەکانی هەرێمی کوردستانە و بەغدای پایتەخت ژمارە 11 پێدەدرێت لە ژمارەی پارێزگاکانی عێراق.
وەزارەتی ناوخۆی عێراق، لە راگەیەندراوێکدا ئاماژەی بەوەکرد، سەرەتا تابلۆکەی عێراق بۆ ئۆتۆمبێلی ژمارە کاتی دەبەسترێت، دواتر ئەو ئۆتۆمبێلانە کە ناوەکانیان دەکرێت بە ناوی کەسیکی دیکەوە “تحویل”، لە رووی نرخیشەوە هەمان نرخی جارانی دەبێت لە کاتی ئەنجامدانی سەرجەم مامەڵەکاندا، هیچ کەسێک ناچار ناکرێت کە بروات ژمارەکەی کاتە تابلۆی نوێ تا کاتی بەسەرچوونی ساڵانەی یاخود، فرۆشتنی ئۆتۆمبێلەکەی و کردنی بە ناوی کەسێکی دیکەوە.
