بەهۆی ئاگرکەوتنەوە لە مێرگەپان 100 دۆنم پوش و پاوان سوتا
SNN
لە گوندێکی مێرگەپان کە سەر بە قەزای دوکانە لە سلێمانی ئاگرکەوتەوە و بەهۆیەوە نزیکەی 100 دۆنم پوش و پاوان سوتان.
ئەمڕۆ پێنجشەممە 4ی تەمموز، بەڕێوەبەرایەتی پۆلیسی دارستان و ژینگەی پارێزگای سلێمانی لەگەڵ بڵاوکردنەوەی کۆمەڵێک وێنەدا رایگەیاند، ئاگرێكى فراوان لە گوندى سێکانیانی شەهید لە سنوورى مێرگەپان کەوتەوە.
لەبارەی هۆکاری ئاگرکەوتنەوەکە ئاشکرایکردووە، گومان دەکرێت هۆکارى کەوتنەوەى ئاگرەکە بەهۆى پاشماوەى گەشتیاران بووبێت.
روونیکردووەتەوە، بەهۆى ئاگرەکەوە نزیکەی 100 دۆنم لە پوش و پاوان و داری سرووشتی سووتاون و زیانێکی زۆر بە سروشتی جوانی ناوچەکە گەیشتووە.
