نزیکەی 50 رەز و باخی هاووڵاتیان لە ماوەت سووتان
SNN
نزیکەی دوو هەزار دۆنم پووش و پاوان و دەیان ڕەز و باخی هاووڵاتییان بە هۆی ئاگرکەوتنەوە لە قەزای ماوەت سووتان.
ئەمڕۆ دووشەممە 8ی تەمموز، بەڕێوەبەرایەتی پۆلیسی دارستان و ژینگەی پارێزگەی سلێمانی رایگەیاند، بە هۆکارێکی نەزانراو ئاگرێک لە سنورری گوندی بەرگوردی سەر بە قەزای ماوەت کەوتەوە و دوای گەیشتنی مەفرەزەیەکی پۆلیسی دارستانی ماوەت هەوڵی کۆنترۆڵکردنی درا.
ئاماژەبەوەکراوە، بەهۆی بوونی مین و تەقەمەنی لە سنوورەکە کۆنتڕۆڵکردنی ئاگرەکە زەحمەت بوو، بەڵام دواجار بە هاوکاری خەڵکی ناوچەکە توانیان ئاگرەکە کۆنتڕۆڵ بکەن و بکوژێننەوە .
هاوکات، ئەوەشخراوەتە ڕوو، بەهۆی ئاگرەکەوە نزیکەی دوو هەزار دۆنم پووش و پاوان و داری سروشتی و 50 ڕەز و باخی هاووڵاتییان سووتان.
