لە عێراق 50,000 پاکستانى خۆیان شاردووەتەوە
کرێکاری پاکستانی
SNN
ئەمڕۆ شەممە، 27ی تەمموز، شودری حسێن، وەزیری کاروباری ئاینى پاکستان رایگەیاند، لە ماوەى ساڵانى رابردوودا نزیکەى 50 هەزار هاووڵاتى پاکستانى بەناوى سەردانى مەزارە پیرۆزەکان چوونەتە عێراق و نەگەڕاونەتەوە.
لیژنەى کاروباری ئاینى و پێکەوەژیانى ئاینەکانی پەرلەمان دواى لێکۆڵینەوە بۆیى دەرکەوتووە، لە کاتى گەشتنى ئەو هاووڵاتیانەى پاکستان بە خاکی عێراق پاسپۆرتەکانیان لێوەرگیراوە.
ئەم لێدوانانەى بەرپرسانى پاکستانى کاردانەوەى هاووڵاتیانى عێراقى بەدواى خۆیدا هێناوە، مەشعان جبورى، سیاسەتمەداری عێراقیش لە “X” نووسیویەتى، “ئەم هاووڵاتییە پاکستانیانە کێشە بۆ ئاسایش و هەلى کار لە عێراق دروستدەکەن.”
لای خۆشییەوە، ئەحمەد ئەسەدى، وەزیری کارى عێراق رایگەیاند، ژمارەى کرێکارانى نایاسایی لە عێراق زۆر زیادبووە، لەم ساڵانەى دواییدا گەشتیارى ئاینى لە عێراق زۆر زیادی کردووە لەنێویاندا پاکستانى و بەشێکى زۆریشیان نەگەڕاوەنەتەوە و بێگومان کاریگەریی لەسەر بازاڕی کار دروستدەکەن.
پۆلیسی عێراق هەڵمەتێکى دەستپێکردووە و تەنها لە مزگەوتى شێخ عەبدولقادری گەیلانى لە بەغداد 33 کەس و لە پارێزگای بابلیش 47 کرێکاری نایاسایی پاکستانییان دەستگیرکردوە.
