دەستەی دەروازە سنورییەكانی عێراق: لە 16 رۆژدا زیاتر لە 3 ملیۆن زیارەتكار هاتوونەتە عێراق

SNN-

دەستەی دەروازە سنورییەكانی عێراق، ئەمرۆ پێنج شەممە، ئامارێكی نوێی لەبارەی ژمارەی زیارەتكاران لە ماوەی 16 رۆژی رابردودا بڵاوكردەوە و رایگەیاند، بە مەبەستی بەشداریکردنی لە رێورەسمی چلەی ئیمام حوسێن زیاتر لە 3 ملیۆن زیارەتكار هاتووەنەتە عێراق.

عەلائەدین قەیسی, وتەبێژی دەروازە سنورییەكانی عێراق, بە ئاژانسی هەواڵی عێراقی راگەیاندووە: ژمارەی زیارەتكاران لە 6ی ئابەوە بۆ 21ی ئاب، لە ڕێی 10 دەروازەی( سەفوان و شەلامجەو شیب و زرباتیەو مونزریەو قائیم و فرۆكەخانەی بەغداد و فرۆكەخانەی نەجەف و حاجی ئۆمەران و باشماغ)وە گەیشتووەتە 3 ملیۆن و 133 هەزارو 432 زیارەتكار.

دەشڵێت:” ئەو کەسانەی لەو ماوەیەدا لەڕێی ئەو دەروازانەوە عێراقیان جێهێشتووە گەیشتووەتە یەک ملیۆن و 601 هەزارو 1 كەس.