سەرباری ئاڵۆزییەکانی ناوچەکە نرخی نەوت بە جێگیری ماوەتەوە

SNN

ئەگەرچی رۆژهەڵاتی ناوەڕاست بە دۆخێکی ئاڵۆزدا تێپەڕدەبێت، بەڵام نرخی نەوت تاڕادەیەک بە جێگیری ماوەتەوە.

لە ئێستادا نرخی یەک بەرمیل نەوتی خاوی برێنت بە 74 دۆلار و 61 سەنتە، ئەمەش لەکاتێکدایە دوێنێ لە کاتی داختنی بازاڕدا بە 74 دۆلار و 38 سەنت بوو.

هاوکات یەک بەرمیل نەوتی خاوی ئەمریکاش کە دوێنێ لە کاتی داخستنی بازاڕدا بە 70 دۆلار و 19 سەنت بوو، لەئێستادا بە 70 دۆلار و 38 سەنتە.

بەهۆی شەڕ لە ناوچەکە و ئەگەری هێرشی ئیسرائیل بۆ سەر ئێران پێشبینی دەکرا نرخی نەوت بەرزبوونەوەی بەرچاو بەخۆیەوە ببینێت، بەڵام تائێستا نرخەکەی جێگیرە.