داهاتی نانەوتی یەک هەفتەی سلێمانی زیاتر لە 9 ملیار دینار بووە

SNN

ماڵپەڕی شەفافییەت داهاتە نانەوتییەكانی یەك هەفتەی سنووری سلێمانی و هەڵەبجە و هەردوو ئیدارەی راپەڕین و گەرمیان بڵاوكردەوە بەگوێرەی ئامارەكەش، كۆی داهاتی ئەو هەفتەیە زیاتر لە 9 ملیارو 80 ملیۆن دینار بووە.

ئامارەكەی ماڵپەڕی شەفافییەت دەریخستووە، داهاتی نانەوتیی سنووری سلێمانی و هەڵەبجە و هەردوو ئیدارەی راپەڕین و گەرمیان لە 19-10-2024، تا 25-10-2024، بڕی 9 ملیارو 80 ملیۆن و 174 هەزارو 425 دینار بووە.

ماڵپەڕەکە ئاشكرایكردووە، رێژەی 86%ی داهاتەكە بەشێوەی نەختینەو 14% بە شێوەی چەك بووە.

ئەمەش لە کاتێکدایە داهاتی هەفتەی پێشوو 13 ملیار و 948 ملیۆن و 375 هەزار و 750 دینار بوو.