ئیسرائیل کاتز: ئەردۆغان تاوانی جەنگ لە دژی کورد ئەنجام دەدات و جیهان بێدەنگە
SNN
وەزیری دەرەوەی ئیسرائیل بە ئاماژەدان بە هێرشەکانی ئەم دواییەی تورکیا بۆ سەر باکوری سوریا رایگەیاند، ئەردۆغان تاوانی جەنگ لە دژی کوردەکان ئەنجام دەدات، هاوکات رەخنەشی لە بێدەنگی نەتەوەیەکگرتووەکان و کۆمەڵگەی نێودەوڵەتی گرت.
ئیسرائیل كاتز، وەزیری دەرەوەی ئیسرائیل، لە پۆستێكدا لە هەژماری خۆی لە تۆڕی كۆمەڵایەتی ئێكس نوسیویەتی”ئەردۆغان كوردەكان دەكوژێت و جیهان بێدەنگە”.
نوسیویشیەتی: “دیكتاتۆرەكەی ئەنقەرە، هاووڵاتیانی كوردی بێتاوان لە باكووری سوریا بۆردومان دەكات و ئەنتۆنیۆ گۆتێرێس، سكرتێری گشتی نەتەوە یەكگرتوەكان دەنگی لێوەنایات. كوا بانگەواز بۆ ئاگربەست و كۆبونەوەی بەپەلەی ئەنجومەنی ئاسایش؟ كوا گرنگیدان بە مافەكانی كورد و سكاڵا لە دژی ئەردۆغان لە دادگای تاوانی نێودەوڵەتی لاهای؟”.
راشیگەیاندووە، “كاتێك ئیسرائیل بۆ بەرگریكردن لە خۆی لەدژی رێكخراوە توندڕەوەکان هەنگاو دەنێت، گوتێرێس هێرش دەكاتە سەر ئیسرائیل، بەڵام كاتێك هاوڕێ دژە جوەكەی (ئەردۆغان)، تاوانی جەنگ ئەنجام دەدات، ون دەبێت و دەنگی لێدەرنایات. ئەمە دوڕویییە.”
دوابەدوای هێرشە چەکداریەکەی سەر کارگەیەکی دروستکردنی چەک و فرۆکەی بێفڕۆکەوان لە ئەنقەە، تورکیا بە چڕی هرشەکانی بۆ سەر باکوری سوریا و شەنگال دەستپێکردووەتەوە و بەهۆی ئەو هێرشانەوە زیاتر لە 15 کەس شەهیدبوون.
