لە ماوەی سێ هەفتەی رابردوودا زێر بۆ نزمترین ئاستی دابەزی
SNN
نرخی زێڕ لە ماوەی نزیکەی سێ هەفتەدا گەیشتە نزمترین ئاستی خۆی، لە ئەنجامی بەهێزی پێنوێنی دۆلار و نزیکبوونەوەی کۆبوونەوەی بانکی فیدراڵی ئەمریکا لەسەر سیاسەتی دراو.
بڕیارە ئەمڕۆ پێنجشەممە کۆبوونەوەی دوو رۆژەی بانکی فیدراڵی کۆتایی پێبێت و بڕیاری یەکلاییکەرەوە لەسەر رێژەی سوود بدرێت.
نرخی یەک ئۆنسە زێڕ لە بۆرسەی جیهانیی دابەزیوە بۆ دوو هەزار و 658 دۆلار ئەمەش هاوتای ئەو نرخەیە کە لە 16ی مانگی رابردوو تۆمارکراوە.
هاوکات نرخی زێڕ لە بازاڕەکانی عێراق و هەرێمی کوردستان دابەزینی تۆمارکردووە، بەجۆرێک یەک مسقاڵ زێڕی عەیارە 24 بە 652 هەزار دینار و عەیارە 21 بە 571 هەزار دینار و عەیارە 18 بە 488 هەزار دینارە، هەر مسقاڵێک بەراورد بە رۆژانی رابردوو 14 هەزار دیناری لێکەمبووەتەوە.
