سودانی: عێراق كۆڵەگەیەكی سەرەكی ئابووری جیهانە

SNN

محەمەد شیاع سودانی سەرۆكوەزیرانی عێراق سەرپەرشتی رێوڕەسمی كردنەوەی پرۆژەی بەندەری فاوی لە پارێزگای بەسرە كرد كە یەكەمین كەشتی جیهانی لەو بەندەرە لەنگەری گرت.

سودانی رایگەیاند، ئەو پڕۆژەیە چۆتە ناو رێڕەوەكانی بازرگانی جیهانی و رێگاكانی گواستنەوەوە كە بە رۆژهەڵاتی ناوەڕاستدا تێدەپەڕێت و گرنگییەكی ستراتیژی گەورەی هەیە بۆ بازرگانی جیهانی و نێودەوڵەتی.

وتیشی “پڕۆژەكە چاڵاكییەكانی وزەو بازرگانی و پەیوەندییەكان و ئاڵوگۆڕی تێدا چڕبۆتەوە، هەروەها بەشدار دەبێت بۆ گۆڕینی عێراق و دەیكاتە وڵاتێكی كراوە بە رووی وڵاتانی جیهان و كەنداودا.”

دەشڵێت، عێراق كۆڵەگەیەكی سەرەكی ئابووری جیهانەو رێگای گەشەپێدان كە لە بەندەری گەورەی فاوەوە دەستپێدەكات، ئابووری زۆربەی وڵاتانی ناوچەكە بەیەكەوە دەبەستێتەوە.