بەهەوڵی پەرلەمانتارێكی یەكێتی ملیارێك دینار بۆ چاككردنی دەروازیەكی بازرگانی تەرخاندەكرێت
عەلی حەمە سەعید-SNN
ئەندامێكی پەرلەمانی عێراق لە فراكسیۆنی یەكێتی ئاماژە بەوەدەكات لەگەڵ ڕاوێژكاری سەرۆك وەزیرانی عێراق بۆكاروباری دەروازە سنورییەكان كۆبووینەتەوە و بەڵێندرا كە بڕی یەك ملیار دینار بۆ چاككردن و نۆژەنكردنەوەی دەروازی باوە مەحمود تەرخانبكرێت كە ماوەی مانگێكە بەڕووی بازرگاناندا داخراوە و گرفتی بۆ بازرگانی هەرێم دروستكردبوو.
سروە محەممەد، ئەندامی ئەنجومەنی نوێنەرانی عێرا قلە فراكسیۆنی یەكێتی بە SNNی ڕاگەیاند: دوای ئەوەی سكاڵای بازرگانان و شۆفێرانی دەروازەی پەروێزخانمان بەدەست گەیشت كە بەهۆی داخرانی دەروازەی باوەمەحمود لە سنوری خانەقین گرفتی زۆریان بۆ دروستبووە و ناچارن لە بازگەی چیمەنی كەركوكەوە بارەكانیان بگوزنەوە بۆ پارێزگاكانی دیكەی عێراق.
ئاماژەی بەوەشكرد، بەمەبەستی چارەسەركردنی ئەو كێشەیە بەهاوڕێیەتی ژمارەیەك نوێنەری بازرگانانی دەروازەی پەروێزخان، لەگەڵ پارێزگاری دیالە كۆبووینەتەوە و لەكۆبوونەوەكەدا بەڵێن دراوە كە بڕی یەك ملیار دینار بۆ نۆژەنكردنەوە و چارەسەركردنی كێشەكانی دەروازەی باوە مەحمود تەرخانبكرێت.
ئەو پەرلەمانتارەی فراكسیۆنی یەكێتی ئەوەشی خستەڕوو، هەر بۆهەمان مەبەست لەگەڵ راوێژكاری سەرۆكوەزیرانی عێراق بۆ كاروباری دەروازە سنوورییەكان و گواستنەوە، كۆبووینەوەی تایبەتمان كردووە ئەوانیش لای خۆیانەوە بەڵێنیان پێداوین كە چارەسەری ئەو گرفتانە بكەن لەو دەروازەیە هەن بۆئەوەی نەبێتە گرفت لەبەردەم بازرگانانی هەرێمی كوردستان.
