وەزارەتی دارایی عێراق لە بارەی دامەزراندنەوە راگەیەندراوێکی بڵاوکردەوە

SNN-

وەزارەتی دارایی عێراق لە راگەیەندراوێکی بڵاوکردەوە و تێیدا هاتووە، هیچ لایەنێک دەسەڵاتی دامەزراندنی نییە چ بەشێوەی هەمیشەیی بێت یان گرێبەست، جگە لە 150 هەزار هەلی کاری نوێ کە بە گوێرەی ژمارەی دانیشتووان دابەشکراون و بەپێی یاسای بودجەی ساڵی 2023 دامەزراندنیان یەکلابووەتەوە.

ئاماژەی بەوەشکرد، سەرجەم ئەو هەواڵ و زانیارییانەی باس لە دامەزراندنی نوێ دەکەن، دوورن لە راستییەوە.

وەزارەتی دارایی دەشڵێت، داوا لە دەزگاکانی راگەیاندن دەکەین کە زانیاری لە سەرچاوەی باوەڕپێکراوەوە وەربگرن و بڵاویبکەنەوە.