کەشناسی هەرێم: بەفر و باران بارین بەردەوام دەبێت

کەشناسی هەرێم رایگەیاندووە، ئەمڕۆ لە هەندێک ناوچە بارانی بەلێز مە دەبارێت و هەورە تریشقەی لەگەڵ دا دەبێت، لە ناوچە شاخاوییەکانیش بەفر دەبارێت.
بەڕێوەبەرایەتی کەشناسی و بومەلەرزەزانی هەرێم رایگەیاندووە، ئەمڕۆ هەینی ئاسمان نیمچە هەور بۆ هەوری تەواو دەبێت . لە سنووری پارێزگای هەولێر و کەرکوک نمە باران و بارانی مامناوەند بە پچڕپچڕی دەبارێت بەڵام لە ناوچەکانی تری هەرێم ( پارێزگای دهۆک و سلێمانی و هەڵەبجە و ئیدارە سەربەخۆکانی زاخۆ و سۆران و ڕاپەڕین و گەرمیان ) ڕێژەی دابارین زیاتر دەبێت، بارانی مامناوەند لە زۆربەی ئەو ناوچانە تا کاتەکانی شەو بەردەوامی دەبێت، هەروەها پێشبینی دەکرێت هەندێک کات باران بارین بە شێوەی لێزمە باران و هەورە تریشقە بێت . هەروەها لە ناوچە شاخاوییەکان بەفر دەبارێت.
هاوکات، پلەکانی گەرما بە نزیکی 2 تـــــا 4 پلە نزم دەبێتەوە وە لە ناوچە شاخاوییەکان ( 5 – 7 ) پلە نزمتر دەبێت لە تۆمارکراوەکانی دوێنێ.
سەبارەت بە کەشی سبەینێ شەممە ئاشکرایکردووە، ئاسمان لە نێوان نیمچە هەور و هەوری تەواو دەبێت نمە باران و بارانی مامناوەند بە پچڕپچڕی لە سنوری پارێزگای دهۆک و ئیدارەی سۆران دەبارێت هەروەها ئەگەری بارینی بەفرێکی کەم لە ناوچە شاخاویەکانی باکوور هەیە، پلەکانی گەرماش نزیک دەبێتەوە لە تۆمارکراوەکانی ئەمڕۆ.