شەپۆلێکی گەرمای بەتین هەرێمی کوردستان ده‌گرێته‌وه‌ و پلەکانی گەرما دەگەنە 48 پلە

SNN-

شارەزایەکی کەشناسی ڕایگەیاند، دوای نزمبوونەوەیەکی کاتیی پلەکانی گەرما لە سەرەتای هەفتەدا بەهۆی کاریگەریی بارستە هەوایەکی فێنکەوە، لە ناوەڕاستی ئەم هەفتەیەوە شەپۆلێکی گەرمای بەتین هەرێمی کوردستان دەگرێتەوە و بۆ ماوەی سێ ڕۆژ بەردەوام دەبێت.

ئاراس جەبار، شارەزای کەشناسی، ئاماژەی بەوە دا کە لە ڕۆژی سێشەممە (28ی تەممووز)ەوە کاریگەریی شەپۆلە گەرماکە دەستپێدەکات و بەرزترین پلەکانی گەرما لە ناوچەکانی هەرێم بەم شێوەیە دەبن:

گەرمیان: 47 بۆ 48 پلەی سیلیزی

کەرکووک: 46 بۆ 47 پلەی سیلیزی

هەولێر: 45 بۆ 46 پلەی سیلیزی

هەڵەبجە: 44 بۆ 45 پلەی سیلیزی

ڕاپەڕین: 44 بۆ 45 پلەی سیلیزی

دهۆک: 43 بۆ 44 پلەی سیلیزی

سلێمانی: 43 پلەی سیلیزی

سۆران و زاخۆ: 42 بۆ 43 پلەی سیلیزی