بەهای نەوت
SNN-
بەهۆی پەرەسەندنی گرژی و ئاڵۆزییە سیاسی و سەربازییەکانی ناوچەکە و جیهان، کاریگەرییە ڕاستەوخۆکانی لەسەر بازاڕی وزە بەدی دەکرێت و نرخی سوتەمەنییە شلەکان بەردەوام لە گۆڕانکاری و ناجێگیریدا دەبن، کە ئەمەش نیگەرانیی لێکەوتووەتەوە سەبارەت بە داهاتووی ئابووریی جیهانی.
لە دواین مامەڵەکانی بازاڕەکانی جیهاندا، نرخی نەوت بەرزبوونەوەی نوێی تۆمارکرد و بەرمیلێک نەوتی خاوی برێنت توانی لە سەروو ئاستی 91 دۆلارەوە جێگیر بێت و بە 91 دۆلار و 13 سەنت مامەڵەی پێوەکرێت، ئەمەش وەک ئاماژەیەک بۆ هەستیاریی بازاڕەکە بەرانبەر بە تەنگژەکان.
هاوکات لەگەڵ برێنتدا، نرخی نەوتی ڕۆژئاوای تێکساسی ئەمەریکیش (WTI) بە هەمان شێوە ڕووی لە بەرزبوونەوە کرد و لە ئێستادا بەرمیلێکی بە 84 دۆلار و 75 سەنت دەفرۆشرێت، کە ئەم نرخە بەرز و ناجێگیرانە ڕەنگدانەوەی ڕاستەوخۆی بارودۆخە ئاڵۆزەکەن و شارەزایانیش پێشبینی دەکەن لە ئەگەری بەردەوامبوونی پێکدادانەکان، گۆڕانکاریی زیاتر بەخۆیەوە ببەین.
