قەیرانی غاز لە سلێمانی کۆتایی دێت

SNN-

دوای راگرتنی بەرهەمهێنانی غاز لە کێڵگەی کۆرمۆر لەلایەن کۆمپانیان دانەغاز، نرخی یەک لیتر غاز (LPG) بەرزبووەوە و گەیشتە (850 دینار) بەڵام ئەمڕۆ نرخەکەی بۆ (580) دینار دابەزیوە و پێشبینیش دەکرێت زیاتر دابەزێت.

عومەر عەبدوڵڵا، سەرۆکی لیژنەی دابەشکردنی غاز لە قائیمقامییەتی سلێمانی رایگەیاند، لە ئێستادا غاز لەناو بازاڕەکانی شاری سلێمانی بڕەکەی زیادیکردووە و خواست لە سەر غاز وەک پێشوو نییە و کەمبووەتەوە.

ئاماژەی بەوەشکرد، “پێویستە سەرجەم بەنزینخانەکان نرخەکەی بۆ (580 دینار) داببەزێنن، پێشبینیش دەکەن نرخی غاز بۆ (475 دینار) دابەزێت.”

عومەر عەبدوڵا وتیشی، “گۆڕانکاریی لە نرخی غازی ماڵان بەشێوەی بوتڵ نەکراوە و هەر بەشێوەیە پاڵشتیکراو بۆ هەر بوتڵێک بڕی (هەشت هەزار و 500 دیانر) وەردەگرێت، هەرکەس لەو نرخە زیاتر بیفرۆشێت، رێکاریی تووندی بەرانبەر دەگرنەبەر.”