SNN-
وەزارەتی کارەبا رایگەیاند، 1400 مێگاوات کارەبا بۆ ناو تۆڕی کارەبای نیشتمانی گەڕایەوە و دۆخی کارەبا بەرەو ئاسایی بوونەوە چووە.
ئەمڕۆ پێنجشەممە، وەزارەتی کارەبای هەرێمی کوردستان رایگەیاند، دوای هەوڵەکانی هەردوو وەزارەتی کارەباو وەزارەتی سامانە سروشتییەکان و بەهەماهەنگی لەگەڵ کۆمپانیای داناغاز، پرۆسەی گواستنەوەی گاز لە کێڵگەی کۆرمۆر بۆ وێستگەکانی بەرهەمهێنانی کارەبا بەرەو ئاساییبوونەوە چوو.
ئەوەشی خستەڕوو, کە بەو هەنگاوە لەچەند کاتژمێری رابردوودا 1400 مێگاوات کارەبا بۆ ناو تۆڕی کارەبای نیشتمانی گەڕایەوە و دۆخی کارەبا بەرەو ئاسایی بوونەوە چووە.
ئەمەش لە کاتێکدایە، دوێنێ وەزارەتی کارەبا ڕایگەیاند، هاوبەشانی کارەبا ئاگادار دەکەینەوە کە کۆمپانیای داناغاز بڕی هەناردەی غازی بۆ وێستگەکانی بەرهەمهێنانی کارەبا کەم کردووەتەوە، بەهۆیەوە بەرهەمهێنانی کارەبا بە بڕی 1000 مێگاوات کارەبا کەمی کردووە.
