پەیامێک لە عەلی زەیدییەوە

SNN-

عەلی زەیدی، سەرۆکوەزیرانی عێراق، لە وتارێکدا پیرۆزبایی جەژنی نەتەوەیی و یادی یەکەمی تشرینی یەکەمی  2026ـی کرد بە بۆنەی کۆتاییهاتنی تەواوەتی و یەکجاریی ئەرکی هێزەکانی هاوپەیمانی نێودەوڵەتی لە عێراق (بە وشکانی، ئاسمانی و دەریاوە) و بەدەستهێنانی سەروەریی تەواو و شایستەی وڵات.

سەرۆک وەزیران ئاماژەی بەوە دا کە ئەم دەستکەوتە مەزنە بەهۆی پشت بە خوای گەورە و ڕۆڵی باڵای مەرجەعیەتی دینی و قوربانیدانی هێزە ئەمنی و پێکهاتە جیاوازەکان لە تێکشکاندنی داعشدا بەدیهاتووە.

لە تەوەرێکی تری وتارەکەیدا،  زەیدی ڕاشیگەیاند کە ئەمڕۆ یەکەم ڕۆژی تشرینی یەکەمی 2026، دەستپێکێکی جددییە بۆ چارەسەرکردنی پرسی چەکی دەرەوەی دەوڵەتی عێراق، بەپێی نەخشەڕێگەیەک و خشتەیەکی زمانی پەسەندکراو کە لە 30ی حوزەیرانی 2027 کۆتایی دێت، بە جۆرێک کە بڕیاری شەڕ و ئاشتی تەنها بە دەست دەسەڵاتی دەستوورییەوە بێت و پێشێلکاری نەکرێت.

حکومەتی عێراق جەختی کردەوە لەسەر ئەوەی کە سەرجەم گرووپە چەکدارە بیانییەکان لەسەر خاکی وڵات چەک دەکەن، هاوکات پابەندبوونی خۆی دووپات کردەوە کە ڕێگە نادات خاکی و عێراق ببنە مەترسی بۆ سەر وڵاتانی دراوسێ، و لە بەرامبەردا ڕەتیشیدەکاتەوە هیچ دەستدرێژییەکی ئاسمانی یان زمینی لەلایەن هیچ وڵاتێکەوە بۆ سەر عێراق بکرێت.

لە کۆتاییشدا، حکومەتی عێراق دەست دەکات بە دابینکردن و کڕینی سیستمی بەرگریی ئاسمانیی پێشکەوتوو بۆ پاراستنی سەروەریی ئاسمانی وڵات، هەروەها یاسای حەشدی شەعبی یەکلا دەکاتەوە وەک بەشێکی دانەبڕاو لە سیستمی ئەمنی لە ژێر فەرمانی فەرماندەی گشتیی هێزە چەکدارەکاندا.