سوپای پاسداران سوتانی دوو كەشتی نەوتهەڵگر و كەشتیەكی قەتەری راگەیاند

SNN-

سوپای پاسداران لەبارەی ئاگرگرتنی دوو کەشتیی نەوتهەڵگر و کەشتییەکی وڵاتی قەتەر راگەیەنراوێکی بڵاوکردەوە و دەڵێت، بەرێگایەكی نایاسایی لە گەرووی هورمز ئاگریان گرتووە.

ئاشكراشی کرد، شەوی ڕابردوو لە دوو ڕووداوی جیاوازدا، بەهۆی تێپەڕبوونیان لە رێڕەوێكی نایاسایی لە باشوری گەروی هورمز، دوو كەشتیی نەوتهەڵگر و كەشتییەكی قەتەری بەهۆی بەركەوتنیان بە مین ئاگریان گرتووە و وەستاون.

ئاماژەی بەوەشکردووە، دەستیان بەسەر دوو فڕۆكەی بێفڕۆكەوان لە جۆری لوكاسدا گرتووە و لە هەوڵدان بۆ پێشێلكردنی یاساكان لە گەرووی هورمز تەنها زیانی دارایی و شكستی سیاسیی زیاتری بۆ ئەمریكا لێدەكەوێتەوە.