“هاککەری رووسی و ئێرانی و چینی هێرشی ئەلیکترۆنی دەکەنە سەر ئەمریکا”
SNN
کۆمپانیای مایکرۆسۆفت رایگەیاند، چەندین هاککەری رووسی و چینی و ئێرانی هێرشی ئەلیکترۆنییان بۆ سەر هاووڵاتییانی ئەمریکی دەستپێکردووە و ئەو کەس و لایەنانە دەکەنە ئامانج کە لە پرۆسەی هەڵبژاردنی ئەمساڵی ئەمریکادا بەشدارن.
کۆمپانیاکە رایگەیاندووە: هەمان ئەو گروپە لە هاککەر، کە ساڵی 2016 هەڵبژاردنی ئەمریکایان کردە ئامانج ئەمجارەش هێرشی ئەلیکترۆنی ئەنجام دەدەن.’
دەشڵێت: “روونبووەتەوە لامان کە چەندین گروپی بیانی هەوڵەکانیان بۆ هێرشی ئەلیکترۆنی سەر هەڵبژاردنی ئەمریکا چڕکردووەتەوە”.
ئەوەسی ئاشکراکردووە: “هاککەرەکان هەردوو هەڵمەتی هەڵبژاردنی سەر بە دۆناڵد ترەمپ و جۆو بایدن دەکەنە ئامانج”.
هەڵبژاردنی ئەمریکا لە مانگی تشرینی دووەمی ئەمساڵ بەڕێوەدەچێت و ترەمپ و بایدن کاندیدی سەرەکین.
