داعش هێرشی كرده سهر گوندێكى خانهقین و كوژراو ههیه
وێەی چەکدارێکی داعش فۆتۆ | گووگڵ
SNN-سیروان حهسهن
له سنوورى خانهقین چهكدارانى داعش هێرشیان كردهسهر گوندێكى سنوورهكه و به چهكى قهناس هاووڵاتییهكیان كوشتووه. ئاسایش دهڵێت زانیاریان ههبووه نۆ چهكدار له ناوچهكه جوڵهیان ههبووه.
شهمال عهبدولرهحمان بهرێوهبهرى ئاسایشى كۆكس به SNNى راگهیاند: كهمێك لهمهوبهر چهكدارانى داعش هێرشیان كردهسهر گوندى ئوم حونتهى سهر به ناحیهى جهلهولا له سنوورى قهزاى خانهقین.
وتیشى: چهكدارهكان به چهكى قهناس پهلامارى گوندهكهیان داوه و بههۆیهوه هاووڵاتییهكى گوندهکە كوژراوه و تاوهكو ئێستاش شهڕ و پێكدادان له نێوان چهكدارهكان و خهڵكى گوندهكه بهردهوامى ههیه.
ئهوهشى خستهڕوو: زانیاریمان ههیه نۆ چهكدارى داعش له سنورى گوندى ئیسلاح جموجۆڵیان ههبووه و وا دیاره ههر ئهو چهكدارانه پهلامارى گوندهكهشیان داوه.
چەکدارانی داعش جار بە جار هێرشدەکەنە سەر هاووڵاتییان و هێزە ئەمنییەکان لە ناوچە جێناکۆکەکان ئەوەش دانیشتوانی ئەو ناوچانەی نیگەرانکردووە و ژمارەیەک گوند چۆڵکراون.
