پزیشکە ناودارەکەی کۆشکی سپی: لە کۆتایی مانگی 12ی ئەمساڵ پێکوتەی کۆرۆنا بەردەستدەبێت

SNN

گەورە پسپۆری نەخۆشییە گوازراوەکان لە ئەمریکا دەڵێت: “یەکەم پێکوتە دژی کۆرۆنا لە سەرەتای مانگی 12ی ئەمساڵ بەردەستدەبێت، دەشڵێت: “جارێ لەسەر کەس تاقی ناکەینەوە”.

ئەنتۆنیۆ فاوچی پزیشکە ناودارەکەی کۆشکی سپی ئەمڕۆ یەکشەممە بە BBC وتووە: “لە سەروبەندی ئەوەداین بزانین سەرەتای مانگی کانونی یەکەمی ئەمساڵ پێکوتەی کۆرۆنا بەتەواویی ئامادە دەبێت”.

وتیشی: “گەر خەڵک وا بزانێت ئێمە یەکسەر لەسەر نەخۆش تاقیدەکەینەوە، ئەوە هەڵەن، چونکە دەست بەو کارە ناکەین تا نەگەینە چارەگی سێیەمی ساڵی داهاتوو”.

رۆژی هەینی رابردووش فاوچی رایگەیاند “کە پێویستە بەستنی ماسک بکرێتە زۆرەملێ، ئەویش پاش ئەوەی 80 هەزار تووشبوو لە یەک رۆژدا لە ئەمریکا دەستنیشانکرا”.

بەڕێوەبەری پەیمانگەی نیشتمانیی ئەمریکا بۆ نەخۆشییە هەستیاری و گوازراوەکان راشیگەیاند، ئەو ئامادەیە لە مانگی یەکی ساڵی داهاتوودا ڤاکسینەکە بەکاربێنێت ئەگەر بەردەستبێت.