بۆریس جۆنسۆن ” ناتوانین بەتەواوەتی پشت بەهەواڵی سەرکەوتنی ڤاکسینەکە ببەستین”
بۆریس جۆنسن، سه‌رۆكوه‌زیرانى به‌ریتانیا | فۆتۆ: CNN
SNN
بۆریس جۆنسۆن سەرۆکوەزیرانی بەریتانیا لە گۆنگەرەیەکی رۆژنامەوانیدا رایگەیاند: ناتوانین بەتەواوەتی پشت بەهەواڵی سەرکەوتنی ڤاکسینەکە ببەستین و لەهەنگاوەکانی خۆمان ساردببیتەوە.
ئاماژەی بەوەشکرد هەواڵی سەرکەوتنی ڤاکسینەکە و کاریگەری بەڕێژەی لەسەدا 90 هەواڵێکی باشە، بەڵام پێویستە چاوەڕێ بین بزانین ئەم ڤاکسینە تاچەند لەئاستی ئەو چاوەڕوانییەدایە کە باسیدەکرێت یان نا، گەورەترین هەڵە ئەوەیە دەستبەرداری چارەسەرەکەی خۆمان ببین و دوای هەواڵی سەرکەوتنی ڤاکسینێکی دیکە بکەوین.
کۆمپانیای فایزەری ئەمریکی بەهاوکاری بایۆ تەکنۆلۆجی ئەڵمانی سەرکەوتنیان لەقۆناغی سێیەمی تاقیکردنەوەی ڤاکسینی دژی کۆرۆنا راگەیاند و ئاشکرایانکرد، ڤاکسینەکەیان لەسەدا 90 کاریگەرە.
