پێش رۆشتنی ترەمپ چەند گۆرانکارییەکی مەترسیدار لە وەزارەتی بەرگری دەکات

SNN

راپۆرتێکی رۆژنامەوانی ئاشکرای دەکات دوای دۆڕانی لە هەڵبژاردنەکانی سەرۆکایەتی ئەمریکا دۆناڵد ترەمپ چەند گۆرانکارییەکی فراوان و ترسناک لە وەزارەتی بەرگری ئەمریکا (پێنتاگۆن) دەکات.

راپۆرتەکەی CNN ئاشکرای دەکات، کە ترەمپ چەند فەرمانبەرێک و چەند کەسێکی سەربازی شارەزایی لە پێنتاگۆن لەسەر کارەکانیان لابردووە کە تێیاندایە ئەزموونی 30 ساڵ زیاتری هەیە، لە جێگەی ئەوان چەند فەرمانبەریکی داناوە کە لایەنگری خۆیەتی. لە چەند رۆژی رابردووشدا مارک ئیسبەر وەزیری بەرگری ئەو وڵاتەی لابردوو کریستۆڤەر لیمەری خستە شوێنی.

یەکێک لەو هەنگاوە سەیرانەی کە ترەمپ لە پێنتاگۆن کردوویەتی، ئەنتۆنی تاتای هێناوەتەوە کە کەسێکی بەساڵاچوو خانەنشینە و کردوویەتی بە جێگری وەزیری بەرگری ئەمریکا، واتا نەک تەنیا وەزیری بەرگری ئەمریکای گۆڕیوە بەڵکو جێگرەکەشی.