وێنە.. مۆنالیزاکەی موسڵ دوای سێ ساڵ چی بەسەر هاتووە؟

SNN

مۆنالیزاکەی موسڵ کە کیژێکی عێراقییە و عەلی فەهداوی کاتی هێرشی داعش وێنەی گرتووە، دوای سێ ساڵ لە وێنە بەناوبانگەکەی، نوێترین وێنەی بڵاوبووەوە.

ئەم کیژە عێراقییە ناوی (سەبەء فەیسەڵ ئیبراهیم)ە و لەگەڵ خێزانەکەی لە قەزای بادوشی موسڵ ئاوارە بوون و لە کەشێکی سارددا لە چنگی داعش ماوەیەکی زۆر بە پێ دەڕۆن، دواتر وێنەیەکی دەگیرێت و تۆڕە کۆمەڵایەتییەکان دەتەنێت.

وێنەی یەکەم رۆژی 16ی ئازاری ساڵی 2017 چرکێنراوە و وێنەی دووەمیش بەمدواییانە گیراوە لە ناوچەکەی خۆی دوای گەڕانەوەی بۆ زێدی خۆی.

سەبەء لەبارەی ساتی چرکاندنی وێنەکەوە دەڵێت: “لەو کاتەدا زۆر دەگریام و دەترسام لە بۆردمان و جەنگ و ماوەیەکی زۆریش بە پێ رۆیشتبووم”.