عێراق دەیەوێت جۆرێک لە فڕۆکە بخاتەوە خزمەتی فڕۆکەوانیی خۆی

SNN

دەسەڵاتی فڕۆکەوانیی مەدەنی عێراق ئەمڕۆ دووشەممە رایگەیاند “بە نیازن و لە سەروبەندی ئەوەدان پۆلی فڕۆکەکانی جۆری ماکس B737 بخەنەوە بواری خزمەتکردن”.

لە بەیاننامەیەکدا دەسەڵاتی فڕۆکەوانی شارستانی عێراق رایگەیاندووە “نوێنەری وەزارەتی گواستنەوەی عێراق و (FAA) لەگەڵ کۆمپانیای دروستکەری B737-MAX کۆبووتەوە”.

ئاماژە بەوەشکراوە کە هەوڵدراوە تا ئەو جۆرە فڕۆکەیە بخرێتەوە کار و کارمەند و ستافی پێویستی بۆ پێکبهێنریت تا بتوانن ئیدارەی ئەو جۆرە فڕۆکەیە بکەن.

بەیاننامەکە ئاشکرایکردووە کە بەرپرسانی گواستنەوە و سەلامەتیی نیشتمانیی هەوڵی تەواو دەدەن تا ئەو فڕۆکەیە بەباشترین شێوە بخرێتەوە کار.