لە هێرشێکدا بۆ سەر نووسینگەیەکی ئاڵوگۆڕی دراو هاوسەری ژنە پەرلەمانتارێکی عێراق کوژرا

SNN
سەرچاوەیەکی ئەمنی ئەمڕۆ شەممە ئاشکرایکردووە “چەند کاسێکی نەناسراو سەر لەبەیانی ئەمڕۆ بە چەقۆ هێرشیان کردووەتە سەر نووسینگەیەکی ئاڵوگۆڕی دراو لە شاری دیوانیە و خاوەنەکەیان کەشتووە”.

لە هێرشەکەدا بە چەقۆ خاوەنی نووسینگەکە بە ناوی مەهدی عیتابی هاوسەری پێشووی هودا سەجاد-ی پەرلەمانتار کوژراوە کە نووسینگەکەی دەکەوێتە گەڕەکی عروبەی ناوەڕاستی شاری دیوانیە.

سەرچاوە ئەمنییەکە باسی ئەوەشی کردووە کە یەکێک لە پاسەوانەکانی نووسینگەکەش بریندارە و بڕە پارەیەکی زۆریش لەلایەن هێرشکارەکانەوە براوە و پۆلیس بەدوایاندا دەگەڕێت.