لەڕووی خراپی باری دەروونییەوە هاووڵاتییانی عێراقی پێشەنگی جیهانن

SNN

بە پێی ڕیزبەندییەك كە میدیایەکی ئەڵمانی ئەنجامیداوە. بە بەراورد بە دانیشتوانی 144 وڵاتی جیهانی كردووە، هاووڵاتییانی عێراق لە ڕیزبەندی یەكەمدان.

تۆڕی “دی دەبڵیو”ی ئەڵمانی ڕیزبەندیی 144 وڵاتی جیهانی بڵاو كردووەتەوە لە ڕووی دڵتەنگی و بێزاری و گوشاری دەروونی دانیشتوانیانەوە، تیایدا عێراق لە لوتكەی لیستەكەدا هاتووە.

دی دەبڵیو ئاماژەی بەوە داوە كە لە ڕیزبەندییەكەدا، باری دەروونی تاكەكانی دانیشتوانی وڵاتەكان، دڵەڕاوكێ، گوشاری دەروونی، ئازاری جەستەیی، غەمباری و تووڕەیی لەبەرچاو گیراوە، لە ئەنجامیشدا وڵاتی عێراق لە یەكەمی ڕیزبەندییەكەدا هاتووە، وڵاتی رواندا لە كیشوەری ئەفریقا، دووەمی ڕیزبەندییەكەیە، ئەفغانستانیش لە سێیەمی ڕیزبەندییەكەدایە، وڵاتی چاد لە چوارەمە و پێنجەمین وڵاتیش لوبنانە.

هەروەها وڵاتی سیرالیۆن لە شەشەمی ڕیزبەندییەكەدایە، غینیاش حەوتەمە، تونس هەشتەم، ئێران نۆیەم و تۆگۆش دەیەمین دڵتەنگترین وڵاتی جیهانە.