عێراق رووبەڕووی کەمیی وزەی کارەبا دەبێتەوە

SNN

حکومەتی عێراق رایدەگەیەنێت “بەهۆی ئەوەی تاران ناردنی غازی کەمکردووەتەوە، شاری بەغدا و دەورووبەری دووچاری بڕانی زیاتری بەشە کارەبا دەبنەوە”.

ئەحمەد موسا وتەبێژی وەزارەتی کارەبای عێراق دەڵێت: “حکومەتی ئێران پێیڕاگەیاندووین کە بڕی پێدانی غازی لە 5 ملیۆن مەتر پێ سێجاوە کەمکردووەتەوە بۆ 3 ملیۆن مەتر پێ سێجا”.

موسا وتیشی: “بەهۆی ئەو بڕیارەی تارانەوە زیاتر لە 6550 مێگاوات کارەبا کەمیکردووە، کە لە بەرزترین پلەی سەرمادا وڵات پێویستی بە 19 هەزار مێگا هەیە، کە توانای تەواو بۆ بەرهەمهێنانی وزەی کارەبا لە ئێستادا نزیکەی 11 هەزار مێگاواتە”.

وتیشی: “کەمکردنەوەی هەناردەی غاز لە ئێستادا کێشەی بڕانی کارەبای بۆ شاری بەغدا و نەجەف و کەربەلا و بابل و دیوانیە دروستکردووە”.