لەسەر راسپاردەی کازمی وەفدێکی عێراق دەچێتە تاران
ئاڵای ئێران و عێراق
SNN
وەزارەتی دەرەوەی ئێران رایگەیاند “وەفدێکی باڵای عێراقی بەسەرۆکایەتیی راوێژکارێکی سەرۆکوەزیرانی عێراق سەردانی تارانی پایتەختی ئێرانی کردووە”.
سەعید خەتیب زادە وتەبێژی وەزارەتی دەرەوەی ئێران ئەمڕۆ دووشەممە وتی: “وەفدەکە لە دوێنێ یەکشەممەوە لە ئێرانن و باسی پەیوەندییەکانی هەردوولا دەکەن”.
بەپێی میدیا عێراقییەکان، وەفدەکە نامەیەکی سەرۆکوەزیرانی عێراقی لەگەڵ خۆی هێناوە بۆ بەرپرسانی باڵای ئێران و چەند دۆسیەیەکی تێدا باسکراوە کە ئەبو جیهاد هاشمی راوێژکاری کازمی سەرۆکایەتیی وەفدەکەی بەغدا دەکات”.
لەبارەی دۆخی ناوچەکەش زادە رایگەیاند “نامانەوێت پشێوی و ئاڵۆزیی لە ناوچەکەدا دروستبکەین، بەڵام لە هەمانکاتیشدا بە هەموو توانایەکمانەوە بەرگری لەخۆمان دەکەین”.
