قائانی هەڕەشەی ئەنجامدانی هێرش لە ئەمریکا دەکات

SNN

ئیسماعیل قائانی، فەرماندەی فەیلەقی قودسی سەر بە سوپای پاسدارانی ئێران، لە پەیامێکی هەڕەشە ئامێزدا، هۆشداریدەدات لەوەی لە ناوخۆی ئەمریکادا هێرش ئەنجامبدەن.

قائانی ئەمڕۆ هەینی، لە وتارێکیدا وتی: لەناوخۆی ئەمریکا هێرش دەکەین، کردارە دوژمنکارەکانی ئەمریکا وا لە هێیزەکانی قودس و هێزە بەرهەڵستکارەکانمان ناکات لەو ئاڕاستەیە لابدەن کە گرتوویانەتەبەر.

ئەمە لەکاتێکدایە، ساڵیادی کوژرانی قاسم سولەیمانی فەرماندەی پێشووی فەیلەقی قودس، تەنیا دوو رۆژی ماوە و بەرپرسانی ئێران هەڕەشەی تۆڵەسەندنەوەی دەکەن.

دوێنێش سیستمی دژە مووشەکی لە فڕۆکەخانەی نێودەوڵەتی بەغدا جێگیرکرا، کە لە رابردوودا چەندین مووشەک ئاراستەی ئەو فڕۆکەخانەیە کراوە.