کۆرۆنای گۆڕاو لە تورکیا بڵاوبووەوە

SNN

وەزیری تەندروستیی تورکیا رایگه‌یاند، 15 تووشبووی کۆرۆنای گۆڕاو لە وڵاتەکەیان تۆمارکراوە کە لە بەریتانیاوە سەردانی تورکیایان کردووە.
فەخرەدین کۆجا، وەزیری تەندروستیی تورکیا لە تویتێکدا رایگەیاند: دوای لێکۆڵینەوەکانیان بۆ دیاریکردنی ڤایرۆسی کۆرۆنای گۆڕاو، دەرکەوتووە 15 کەس کە لە بەریتانیاوە چوونەتە تورکیا تووشبوون و گەشتکردنیش لە بەریتانیاوە بۆ تورکیا بۆ ماوەیەکی کاتی راگیراوە.

به‌پێی دوایین ئاماری وه‌زاره‌تی ته‌ندروستی توركیا، تاوەکو ئێستا بەهۆی کۆرۆناوە 21 هەزار و 93 کەس لەو وڵاته‌ گیانیان لەدەستداوە.