تورکیا دەستبەرداری کڕینی سیستمی بەرگری S-400ی رووسی بوو

SNN

خلوسی ئاکار وەزری بەرگری تورکیا راگەیاند: زۆر بە ئەستەم وڵاتەکەمان وازی لە کڕینی سیستمی S-400ی ڕووسی هێنا، بەهیواین کە دووبارە پەیوەندییەکانمان لەگەڵ ویلایەتە یەکگرتووەکانی ئەمریکا ئاسایی بێتەوە.

ماوەیەک پێش ئێستا تورکیا لەگەڵ رووسیادا گفتوگۆیان کرد بۆ جاری دووەم سیستمی بەرگری S400 بکرێن بە بیانوی ئەوەی کە ئەو سیستمە بۆ تورکیا زۆر گرنگە، بەڵام ئەمریکا سزای توندی بەسەر چەند کەسایەتییەکی سەربازی تورکیادا سەپاند، بۆیە تورکیا لەو هەنگاوەی پاشگەز بووەوە.

ئاکار وتی” زۆر بە ئەستەم توانیمان دەستبەرداری سیستمی S400بین، هیواداراین ئەمریکاش زمانی هەڕەشەو گەمارۆی ئابووریی لەسەر تورکیا لاببات، دەتوانین هەموو کێشەکانمان بە گفتووگۆ چارەسەربکەین، هاوکاری یەکتریش بکەین لەسەر ئاستی هونەری”.

پێشتر ئەمریکا بە تورکیای راگەیاندبوو کە سیستمی S400 مەترسی لەسەر فڕۆکەی
F-35ی ئەمریکی دروستدەکات لەگەڵ فرۆکەکانی ناتۆ لە ناوچەکەدا بۆیە پێویستە سەرجەم گرێبەستەکان لەگەڵ رووسیا هەڵبوەشێنێتەوە.

S400 سیستمی-بەرگری