لە بەرامبەر ئەوەی هیچ نەکات، پیاوێک خۆی دەدات بە کرێ

SNN

پیاوێکی ژاپۆنی لە بەرامبەر ئەوەی جگە لە خواردن و خەو هیچی تر نەکات خۆی نمایشدەکات تا کەسێک بە کرێ بیگرێت، ئەو هەوڵەشی دەنگدانەوەی زۆری بەدوای خۆیدا هێناوە.

رۆژنامەی ئیندپێندنت-ی لەندەنی بڵاویکردووەتەوە “ئەو پیاوە لەڕێگەی خۆ نمایشکردنیەوە توانیویەتی پارەیەکی باش بۆ خۆ بژێویی کۆ بکاتەوە کە لە سۆشیال میدیاوە هەزاران کۆمێنت و لایکی بۆ چووە”.

شوجی مۆریمۆتۆ دەڵێت: “بە 100 دۆلاری رۆژانە خۆم دەدەمە کرێ بە هەر کەسێک منی بوێت و تەنها لەگەڵی نان دەخۆم و دەخەوم و هیچی تر ناکەم”.

شوجی تەمەن 37 ساڵ، ساڵی 2018ش هەمان هەنگاوی نا و خۆی دا بە کرێ و رایگەیاند کە تەنها دەتوانێت بخوا و بنوێت و کاری ئاسان نەبێت هیچ کارێکی دیکەی پێناکرێت.

ئەو گەنجە ژاپۆنییە دەڵێت: “خەڵک هەیە بە تەنهایە، من بە کرێ دەگرێت تا ببمە هاوڕێی، هەیە دەچێت بۆ دادگا و تەڵاق وەردەگرێت، دەڵێت وەرە یاوەریم بکە، ئاماژە بەوەشدەکات، بۆ نان خواردن چەندین کەس داوایان کردووم و داواکارییەکەیانم جێبەجێکردووە”.