سەدر هەڕەشە لە کۆمسیۆنی هەڵبژاردنەکانی عێراق دەکات

SNN

لەسەر پێشنیازی دواخستنی هەڵبژاردنە پەرلەمانییەکەی عێراق، موقتەدا سەدر سەرۆکی رەوتی سەدر لە تویتێکدا دەڵێت “هیوادارین پێشنیازەکەی کۆمسیۆن پیشەییانە بێت”.

سەدر نووسیوێتی: “هیواخوازین پێشنیازی کۆمسیۆنی هەڵبژاردنەکان بە دواخستمی هەڵبژاردن پێشنیازێکی پیشەییانە بێت و مەبەست لێی بۆ خۆ رێکخستن و تەواوکردنی میکانیزمەکانی پرۆسەکە بێت”.

ئەوەشی وتووە “هیوادارین ئەو دواخستنە دوور بێت لە دەستوەردانی سیاسی و دەرەکی و حیزبی و ئیتنی، ئەگەر هۆکاری دواخستن پیشەییە، کێشەمان نییە، گەر نا چاوەڕێی بڕیارمان بکەن”.

روونیشیکردووەتەوە “دەبێت ئەمە کۆتا جار بێت کۆمسیۆن هەڵبژاردن دوا بخات و دەبێت پرۆسەکە بۆ ئەوە بکرێت زوڵم و ستەم و داگیرکاری و قۆرخکاریی نەمێنێت”.