یەکێتیی ئەوروپا ئەتۆمییەکەی ئێران و سەرەڕۆییەکانی تورکیا تاوتوێدەکات

SNN

وەزیرانی دەرەوەی یەکێتیی ئەوروپا ئەمڕۆ دووشەممە لە شاری برۆکسل دۆسەی ئەتۆمیی ئێران و پشێوییەکان کە بەهۆی تورکیاوە دروستبووە، لەگەڵ چەند پرسێکی تر گەنگەشە دەکەن.

زۆرینەی بەشداربووانی کۆبوونەوەکە هیوایان وایە ئەمریکا و ئیدارەی نوێ بگەڕێنەوە سەر مێزی گفتوگۆکان لەبارەی پرسی ئەتۆمیی ئێرانەوە.

هاوکات لەگەڵ دەستپێکردنی کۆبوونەوەکان، تورکیا لای خۆیەوە هیوای خواستووە پشێوییەکان لە ناوچەکە کەم ببنەوە و دوای 61 خول، ئەمڕۆ درێژە بە کۆبوونەوە راوێژکارییەکانی نێوان یۆنان و تورکیا دەدرێت.

نیکۆس دیندیاس وەزیری دەرەوەی یۆنان رایگەیاندووە “ئەوان وەک ئەسینا بە سنگێکی فراوانەوە دەچنە ناو کۆبوونەوەکەی برۆکسل، بەڵام نابێت سەروەریی یۆنان بکەوێتە ژێر هەڕەشەوە”.

وەزیرانی دەرەوەی یەکێتیی ئەوروپا لە کۆبوونەوەکەی ئەمڕۆیاندا پرسی ئەتۆمیی ئێرانیش تاوتوێدەکەن و هیوایان هەیە بگەن بەلێکگەیشتنێکی نوێ لەگەڵ ئیدارەی نوێی ئەمریکا لەمبارەیەوە.