کازمی: لەگەڵ هەرێم لیژنەیەکی لێکۆڵینەوە پێکدەهێنین

SNN

لەسەر داوای مستەفا کازمی سەرۆکوەزیرانی عێراق، بە هەماهەنگی لەگەڵ حکومەتی هەرێم لیژنەیەکی لێکۆڵینەوە لە هێرشە مووشەکیەکەی شەوی رابردووی نزیک فڕۆکەخانەی هەولێر پێکهێندراوە.

خانەی راگەیاندنی ئەمنی لە راگەیەندراوێکدا بڵاویکردووەتەوە: “فەرماندەی گشتی هێزە چەکدارەکان داوایکردووە لەگەڵ لایەنە پەیوەندیدارەکانی هەرێم لیژنەیەکی لێکۆڵینەوە پێکبهێندرێت بۆ دۆزینەوەی ئەو لایەنەی کە لە پشتی هێرشەکەوەیە”.

كاتژمێر 9:30 شەوی دووشه‌ممه‌ چه‌ند موشه‌كێك ئاراسته‌ی شاری هه‌ولێر و ده‌وروبه‌ری كران و به‌ر چه‌ند شوێنێك كه‌وتن، لە ئەنجامدا کەسێک کوژرا و هەشت کەسیش برینداربوون.