بەریتانیا ئامادەی خۆی دەربڕی کە لێکۆڵینەوە لە هێرشە مووشەکییەکەی هەولێر بکات

SNN

باڵیۆزخانەی بەریتانیا لە عێراق، سەرکۆنەی هێرشە مووشەکییەکانی سەر هەولێری پایتەختی هەرێمی کوردستان دەکات کە بەهۆیەوە هەشت کەس برینداربوون و کەسێکیش کە بەڵێندەری بیانی بوون گیانی لەدەستدا.

ستیڤن هیکی کونسوڵی بەریتانی لە عێراق، لە توتێکدا رایگەیاند: بە توندی ئیدانەی هێرشەکەی شەوی رابردووی سەر هەولێر دەکەم، کە تێیدا هاووڵاتییان و هێزەکانی هاوپەیمانی کردە ئامانج، سەرەخۆشی خۆم ئاراستەی قوربانییەکانی رووداوەکە دەکەم، وە پێویستە ئەنجامدەرانی ئەم رووداوە سازا بدرێن، هەروەها ئامادەی هەموو هاوکارییەکی بۆ حکومەتی هەرێمی کوردستان لەکاتی لێکۆڵێنەوەدا.

هیکی جەخت دەکاتەوە، هێزەکانی هاوپەیمانان کە لە عێراق بوونیان هەیە هەمیشە ئامادەییان تێدایە کە هاوکاری حکومەتی عێراق بکات بۆ رووبەڕووبوونەوەی داعش لە عێراق و کۆتایی هێنان بە دەستی تیرۆر.