چین 50 هەزار ڤاکسین بە عێراق دەبەخشێت
ڤاکسینی-کۆرۆنا
SNN
وەزیری تەندروستی عێراق رایگەیاند: چین 50 هەزار ڤاکسینی دژ بە کۆرۆنای بە عێراق بەخشیووە کە لە رۆژانی دواتردا دەگاتە وڵاتەکە.
حەسەن تەمیمی لە چاوپێکەوتنێکیدا وتی: ئەو ڤاکسینەی چین پێشکەشی کردووە بڕیارە 10 رۆژی دیکە بگاتە عێراق و بەسەر ناوچە هەژارەکاندا دابەشدەکرێت.
لەبارەی بەرزبوونەوەی ژمارەی تووشبووان بە کۆرۆنا لە عێراق، تەمیمی وتوویەتی، لەحاڵەتی بەرزبوونەوەی بەردەوامی رێژەی تووشبوون رێکاری توند دەگرینەبەر و ئەگەریش هەیە قەدەغەی هاتووچۆ لە شار و شارۆچکەکانی دیکەی وڵاتەکە رابگەیەنین.
لەبارەی پابەندبوونی هاووڵاتییانی عێراقیشەوە وتی: هاووڵاتیان ماسک دەبەستن کە ئەوەش کارێکی باشە.
