ئێران: پلانی خۆمان لەبارەی زیندووکردنەوەی رێککەوتنی ناوەکی ئاشکرادەکەین

SNN

وەزیری دەرەوەی ئێران ئەمڕۆ هەینی رایگەیاند: بەمنزیکانە پلانی کۆنکرێستی خۆمان لەبارەی زیندووکردنەوەی رێککەوتنە ناوەکیەکە بۆ ئەمریکا و ئەوروپا ئاشکرادەکەین.

راگەیەندراوەکەی محەمەد جەواد زەریف، ئاماژەیە بۆ ئەوەی ئەگەری هەیە ئێران بگەڕێتەوە بۆ دانوستانەکانی رێککەوتنی ناوەکی لەگەڵ دیپلۆماتکارانی رۆژئاوا، ئەوەش قۆستنەوەی ئەو کاتەیە کە ئێران بەدەستیەوە ماوە تا هەڵژاردنی سەرۆکایەتی ئێران کە بڕیارە لە حوزەیرانی ئەمساڵ بەڕێوەبچێت.

زەریف لێدوانی ئەو بەرپرسانەی ئێرانی رەتکردەوە کە وتبوویان ئێران ئامادەیە بگەڕێتەوە سەر مێزی گفتوگۆ ئەگەر ئاماژەیەکی روون و ئاشکرا هەبێت بەوەی لە ماوەی ساڵێکدا سزاکانی سەر ئێران لادەبرێن.

ئەم لێدوانەی زەریف لەکاتێکدایە، پێشتر ئیدارەی ئێستای ئەمریکا و ئەوروپا خواستی خۆیان بۆ زیندووکردنەوەی رێککەوتنە ناوەکیەکەی ئێران ئاشکراکردبوو.